Ingerlaqqiffiusuni
ilinniartunut
Naatsorsueqqissaartarfik ilingerlaqqiffiusumik ilinniartunut attaveqarnerorusuppoq.
Makkununnga tunngasunik saaffigineqarsinnaavugut:
1. Ilinniarnerup nalaani sulilluni misiliineq
2. Aasaanerani sulineq
3. Opgaveliorneq aamma specialiliorneq
4. Ilinniarluni naammassereernermi suliffissat
Kisitisitigut paasissutissiornermut inuiaqatigiilerinermik,
erhvervsøkonomimik, IT-mik, matematikkimik imaluunniit assingusunik
ilinniartunik pissarsiorpugut. Pingaarnerpaapput inuiaqatigiit pillugit
soqutigisaqarneq aamma programmeriinissamik ilikkagaqarusuttuuneq.
Kisitsisitigut paasissutissanik siammarterinermik soqutiginnittunik,
kisitisisitigut paasissutissiornermik toqqaannartumik suliaqartussaanngitsunik
aamma pissarsiorpugut. Makkuninnga ilinniartunik: tusagassiorneq, Web-design
imaluunniit oqaatsit.
Ilinniartut anginersumik
opgaviliorlutik suliarisinnaasaat makkuusinnaapput:
1. Takornariaqarnerup
aningaasaqarnermut sunniutai
Kalaallit Nunaannut takornariat
akunnittarfinni unnerit, angalanerit, angalaarnerit, neriniartarfinni nerinerit
il.il. aqqutigalugit aningaasaqarneq ajunngitsumik sunnertarpaat. Nuna
tamakkerlugu naatsorsuutini kontoni atorneqartuni ilaatigut sulianut tunngasut
soorlu takornariaqarnermut tunngasut ersissikkuminaattarput. Takornariaqarnerup
aningaasaqarnermut sunniutai suliffeqarfiit imaluunniit kiffartuussiviit
ataasiinnaat tunngavigalugit misissoqqissaarneqarsinnaannginnerannik tamanna
pissuteqarpoq.
2. Innuttaasut amerlassusissaat
Innuttaasut amerlassusissaat
assersuutigalugu atuarfiliorniarluni utoqqarmiuliorniarlunilu
pilersaarusiornermi atortussatut pingaaruteqartorujussuupput. Maanna
innuttaasut amerlassusissaat inunngorsimasut, toqusimasut, Kalaallit Nunaannut
aamma Kalaallit Nunaannit nuttartut tunngavigalugit Naatsorsueqqissaartarfimmit
suliarineqartarput. Kalaallit Nunaanni inuit amerlassusaanik naliliinermut
periuseq taanna piukkunnarpoq. Kisianni illoqarfiinni mikinerusuni inuit
amerlassusissaanut misissuinermut piukkunnarpallaanngilaq. Naatsoruinerni suna
pissutaalluni kukkusunik inerniliisarnerup nalilersorneqarnissaa piukkunnarpoq
sumiiffinni najugaqarfinnut politikki eqqarsaatigalugu.
3. Danmarkimi ilinniartut
Kalaallit nunani allani ilinniartut
qanoq amerlatigisut Kalaallit Nunaannut utertarnersut pisortatigoortumik
oqallittoqallattaasarpoq. Ilinniartut Kalaallit Nunaannut utertartut
ineriartornerat ilaatigut tunuliaqutaat assigiissuseqarnersut (ukiut, Kalaallit
Nunaannut attuummassutit, oqaaserisat allallu) opgaviliornermi kisitsitsisinngorlugit
misissorneqarsinnaapput.
4. Kisitsisaataasivimmik
ilisarisitsineq
Naatsorsueqqissaatarfiup
saqqummersittagi kisitsisaataasivimmi http://bank.stat.gl/pxweb/da/Greenland/ saqqummersinneqarnerusarput.
Naatsorsueqqissaartarfimmit maluginiarneqartarpoq kisitsisaataasivimmik
atuisuinissamik nalorsartoqartartoq. Kisitsisaataasivik amerlanerusunik
atuisoqalersinniarlugu videonngorlugu imaluunniit titartakkamik filmiliaralugu
kisitsisaataasivimmik ilisarisitsisoqarsinnaavoq, tassani
nassuiarneqarsinnaalluni kisitsisaataasiviup qanoq atorneqarsinnaanera.
5. Datat takusassiarineri
Kisitsisaataasivimmi kisitsisit
API-nngorlugit (application programming interface) pigineqarput. Taanna atorlugu
kisitsisaataasivimmiittut datat programmini ass. mobilinut app-ini,
nittartakkani grafikki atorlugu takusassiani atoqqinneqarsinnaapput.
Takornariaqarnq pillugu kisitsisitigut paasissutissat Visit Greenlandip www.tourismstat.gl–imi atugai qanoq atorneqarsinnaanerinut assersuutigineqarsinnaapput.
Kisitsisaataasivimmut kisitsisinik nutaanik takkuttoqaraangat nammineerlutik
kisitsisit atorneqartut nutaat ilanngunneqartarput. Naatsorsueqqissaartarfiup
nittartagaani API atulernissaanut ilitsersuuteqarpoq: http://www.stat.gl/SBD201601/o1.
Nunani allani
naatsorsueqqissaartarfinni infografikki atorlugu assersuutigalugu Facebookimi
saqqummersitsinerni soqutiginarsaasoqartalernikuuvoq. Norgemi saqqummersitaq
assersuutitut uani takuneqarsinnaavoq: https://www.ssb.no/en/utdanning/artikler-og-publikasjoner/more-students-in-teacher-education
Naatsorsueqqissaartarfiup pisortaanut Anders Blaabjergimut oqarasuaat
345781 imaluunniit email abla@stat.gl atorlugu saaffiginnittoqarsinnaavoq.
Naatsorsueqqissaartarfimmi suliarineqartartut nittartakkami www.stat.gl imi atuarneqarsinnaapput.
Inussiarnersumik inuulluaqqusillunga
Anders Blaabjerg
Naatsorsueqqissaartarfimmi pisortaq